“ಕಥೊಲಿಕ್ ಸ್ತ್ರಿ ಸಂಘಟನ್”
2008 ವ್ಯಾ ವರ್ಸಾ ಫಿರ್ಗಜ್ ವಿಗಾರ್ ಜಾವ್ನಾಸ್ಚ್ಯಾ ಮಾ. ಬಾಪ್ ಹೆರಾಲ್ಡ್ ಡಿÀ’ಸೋಜಾಚ್ಯಾ ಮಾರ್ಗದರ್ಶನಾಖಾಲ್, ತವಳ್ಚಿ ಕ್ರಿಸ್ತಾಂವ್ ಅವಯಾಂಚ್ಯಾ ಸಂಘಟನಾಚಿ ಅದ್ಯಕ್ಷಿಣ್ ಶ್ರೀಮತಿ ಬ್ರಿಜಿತ್ ಮಾರ್ಟಿಸ್ ಆನಿ ಕಾರ್ಯದರ್ಶಿ ಜೆನೆಟ್ ತಾವ್ರೊ ಹಾಂಚ್ಯಾ ಮುಕೇಲ್ಪಣಾಂತ್ ಆನಿ ಸಾಂದ್ಯಾಂಚ್ಯಾ ಸಹಕಾರಾನ್ “ಸೈಂಟ್ ಜೋನ್ಸ್ ಕೌನ್ಸಿಲ್ ಆಫ್ ಕಥೊಲಿಕ್ ವಿಮೆನ್” ಮ್ಹಳ್ಳ್ಯಾ ನಾಂವಾನ್ ಹೆಂ ಸಂಘಟನ್ ಅಸ್ತಿತ್ವಾಕ್ ಆಯ್ಲೆಂ. ಆನಿ ಸಂಘಟನಾಚಿ ಪಯ್ಲಿ ಅದ್ಯಕ್ಷಿಣ್ ಜಾವ್ನ್ ಶ್ರೀಮತಿ ಜೂಲಿಯೆಟ್ ವೀರಾ ಡಿ’ಸೋಜಾ, ಕಾರ್ಯದರ್ಶಿ ಕುಮಾರಿ ತೆರೆಜಾ ಕ್ವಾಡ್ರಸ್ ವಿಂಚುನ್ ಆಯ್ಲಿಂ. 48 ಸ್ತ್ರಿಯಾಂನಿ ಹ್ಯಾ ಸಂಘಟನಾಚೆ ಸ್ಥಾಪಕ್ ಸಾಂದೆಪಣ್ ಅಪ್ಣಾಯ್ಲೆಂ. ಉಪ್ರಾಂತ್ ಉಡುಪಿ ದಿಯೆಸೆಜ್ ಅಸ್ತಿತ್ವಾಕ್ ಆಯಿಲ್ಲೆಂಚ್ ಹೆಂ ಕೌನ್ಸಿಲ್ “ಕಥೊಲಿಕ್ ಸ್ತ್ರಿ ಸಂಘಟನ್” ಮ್ಹಳ್ಳ್ಯಾ ನಾಂವಾನ್ ಮುಕಾರುನ್ ಗೆಲೆಂ.
2014 ನವೆಂಬರ್ ಮಹಿನ್ಯಾಂತ್ “ಸಂಪದ” ಸಂಸ್ಥ್ಯಾಚೊ ನಿರ್ಧೇಶಕ್, ಬಾಪ್ ರೆಜಿನಾಲ್ಡ್ ಪಿಂಟೊಚ್ಯಾ ಮಾರ್ಗದರ್ಶನಾಖಾಲ್ ಸರ್ವ್ ಸ್ತ್ರಿಯಾಂಚ್ಯಾ ಸಾಮಾಜಿಕ್, ಆರ್ಥಿಕ್, ರಾಜಕೀಯ್ ಆನಿ ಸಾಂಸ್ಕ್ರತೀಕ್ ಸುದ್ರಡ್ ಆನಿ ಭದ್ರತೆಚ್ಯಾ ಅಭಿವ್ರದ್ದಿ ಖಾತಿರ್ 19 ಮಹಿಳಾ ಸ್ವ – ಸಹಾಯ ಪಂಗಡ್ ರಚನ್ ಕೆಲೆ ಆನಿ ಫಿರ್ಗಜೆಚ್ಯಾ 276 ಸ್ತ್ರಿಯಾಂನಿ ಸಾಂದೆಪಣ್ ಅಪ್ಣಾಯ್ಲೆಂ. ಸರ್ಕಾರ ಥಾವ್ನ್ ಸೌಲತ್ಯೊ ಜೊಡುಂಕ್, ಶಿಕ್ಪಾ ಸಂಬಂದಿತ್ ಸ್ಕೊಲರ್ ಶಿಪ್ ಅಪ್ಣಾಂವ್ಕ್ ಆನಿ ಭಲಾಯ್ಕೆಕ್ ಸಂಭಂದ್ ಜಾಲ್ಲ್ಯೊ ಸವ್ಲಾತಾಯೊ ಜೊಡುಂಕ್ ಸ್ತ್ರಿಯಾಂಕ್ ಚಡ್ ಆನಿ ಚಡ್ ಅವ್ಕಾಸ್ ಲಾಬ್ಚ್ಯಾ ಸವೆಂ ಸರ್ವ್ ಸ್ತ್ರಿಯಾಂಚೊ ಎಕ್ವಟ್ ಆನಿ ಬಳ್ ದಾಕೊಂವ್ಚೆ ಖಾತಿರ್ ದಿಯೆಸೆಜೆಚ್ಯಾ “ಸಂಪದ” ಸಂಸ್ಥ್ಯಾಚಾ ಸೂಚನಾ ಫರ್ಮಾಣೆ ಹೆಂ ಸಂಘಟನ್ “ಮಲ್ಲಿಗೆ ಮಹಾ ಸಂಘ” ಮ್ಹಳ್ಳ್ಯಾ ನಾಂವಾನ್ 2017 ವ್ಯಾ ವರ್ಸಾ ಪುನರ್ ರಚನ್ ಜಾಲೆಂ. ತವಳ್ ಥಾವ್ನ್ ಎದೊಳ್ ಪರ್ಯಾಂತ್ ಸ್ತ್ರಿಯಾಂಚ್ಯಾ ಸರ್ವತೊಮುಖಿ ಅಭಿವ್ರದ್ದೆಕ್ ಹೆಂ ಸಂಘಟನ್ ವಾವುರ್ನ್‍ಂಚ್ ಆಸಾ. ಪ್ರಸ್ತುತ್ 248 ಸಾಂದೆ ಅಸುನ್, ಫಿರ್ಗಜೆಂತ್ ಜಾಂವ್ಚ್ಯಾ ಹರ್ಯೇಕಾ ಚಟುವಟಿಕೆಂತ್‍ಯೀ ಕ್ರಿಯಾಳ್ ಮೆತೆರ್ಪಣ್ ಘೆವ್ನ್, ಸ್ತ್ರಿಯಾಂಚೊ ದೀಸ್, ಭಲಾಯ್ಕೆ ಶಿಬಿರಾಂ, ಭುಗ್ರ್ಯಾಂಕ್ ಶಿಬಿರಾಂ, ಫೆಸ್ತ್ ಆಚರಣ್, ವಾರಾಡ್ಯಾ ಆನಿ ಕೇಂದ್ರಾಂತ್ ಜಾಂವ್ಚ್ಯಾ ಕಾರ್ಯಕ್ರಮಂತ್‍ಯೀ ಸಹಕಾರ್ ದೀವ್ನ್ ಪ್ರಸ್ತುತ್ ಅದ್ಯಕ್ಷಿಣ್ ಮಾನೆಸ್ತಿಣ್ ಅನಿಲ್ಡಾ ನೊರೋನ್ನಾ ಆನಿ ಕಾರ್ಯದರ್ಶಿ ಮಾನೆಸ್ತಣ್ ಶಾಲೆಟ್ ಆಲ್ವ ಮುಕೇಲ್ಪಣ್ ದೀವ್ನ್ ಆಸಾತ್.
